Një transplant i jashtëzakonshëm ka ndodhur në Spitalin e Fëmijëve në Filadelfia. 8 vjeçari Zion Harvey është fëmija i parë në modë në të cilin është bërë transplanti i të dyja duarve. Operacioni historik është realizuar në fillim të korrikut, ndërsa lajmi ka marrë dhenë vetëm ditët e fundit, kur vogëlushi ka mundur të lëvizë pa vështirësi duart.
“Shpresojmë të jetë i pari dhe jo i vetmi që do ti shpëtojë jetën mijëra fëmijëve”,- ka thënë Scott Levin, drejtori i departamentit të kirurgjisë ortopedike dhe shefi i ekipit me 40 specialistë, të cilët, për 11 orë kanë punuar në këtë ndërhyrje të jashtëzakonshme dhe shumë të rrezikshme.
“Ju falenderoj të gjithë që më keni ndihmuar në këtë rrugë të vështirë”,- ka thënë duke qeshur gjatë një pushimi, i vogli Zion.
Viktimë e një infeksioni të tmerrshëm në moshën 2 vjeçare, ai humbi si këmbët, edhe duart për shkak të një gangrene, e cila e detyroi ti nënshtrohej edhe një transplanti në veshka. Prej vitesh Zion u mësua të jetonte i limituar. Protezat në këmbë e kanë lejuar të ecë disi dhe të luajë si një fëmijë i zakonshëm.
Tani ai i është nënshtruar orëve të tëra të rehabilitimit të përditshëm për përdorimin e duarve dhe mjekët janë shumë optimistë për të ardhmen e djaloshit. Gjatë ndërhyrjes, kockat, fundet nervore, venat, tendinat dhe lëkura u tërhoqën dhe gjaku nisi të rrjedhë lirshëm në duar, të cilat ishin marrë nga një i pajetë. Mjekët presin që duart e mbjella të rriten normalisht, me rritjen e fëmijës, i cili është cilësuar edhe si kandidati ideal për të tilla ndërhyrje kirurgjikale, pasi trupi i tij u mësua me rritjen e veshkës, pas tranasplantit të saj./tesheshi.com/
