Hulumtuesit nga Universiteti Shtetëror i Pensilvanisë kanë konfirmuar se bajamet janë shumë të dobishme në luftën kundër kolesterolit.
Me konsumimin e rregullt të një grushti të bajameve në bazë ditore, rritet niveli i “kolesterolit të mirë”, dhe me këtë përmirësohet edhe shëndeti kardiovaskular për afro 19 për qind.
Sipas një studimi të publikuar të premten e kaluar në revistën “Journal of Nutrition”, bajamet jo vetëm që ndikojnë në rritjen e HDL, ose kolesterolit të mirë, por edhe përmirësojnë procesin e kalimit të kolesterolit të keq (LDL) në mëlçi.
Brenda gjashtë javësh, hulumtuesit nga Pennsylvania kanë ndjekur dy grupe pacientësh me nivele të larta të kolesterolit të keq. Grupi i parë ka konsumuar 43 gram bajame në ditë, e cila është e barabartë me një grusht të madh, ndërsa pjestarët e grupit tjetër ka marrë kifle me një banane.
Në fund ata kanë matur nivelin dhe funksionin e kolesterolit HDL dhe kanë krahasuar rezultatet me rezultatet e gjakut në fillim të studimit.
Studimi vuri në dukje rritjen e grimcave të HDL (kolesterolit të mirë) për 19 për qind për pjestarët e grupit që kishin marrë bajame. Në të njëjtën kohë, pjesëmarrësit me peshë normale trupore ishin në gjendje që për 6.4 për qind të transportojnë më mirë kolesterolin e tepërt në mëlçi.
Të pasur me magnez dhe kalium, bajamet janë të shëndetshëm dhe të ngopshëm për shkak të fibrave dhe proteinave. Dhjetë bajame përmbajnë rreth 100 kalori. /tesheshi.com/
