Gjinekologu kongolez Denis Mukwege dhe aktivistja jezide nga Siria, Nadia Murad, janë fituesit e Çmimit Nobel të Paqes të këtij viti, me meritën e luftës kundër përdorimit të dhunës seksuale si një armë lufte, tha të premten Komiteti i Nobel-it.
Mukwege është nominuar dhe herë të tjera për këtë çmim, ndërsa aktivistja Murad u përzgjodh si një ish-skllave seksi e ISIS-it, ndërkohë që më parë i është dhënë çmimi “Saharov”.
Thuhet se këtë vit, konkurenca për Nobel-in e Paqes ka qenë shumë e fortë, dhe se pesë anëtarët e komitetit e kanë patur të vështirë të përzgjedhin fituesit.
Flitej se mes kandidatëve ishin dhe Zaev e Tsipras, për marrëveshjen e tyre historike arritur në Prespë në qershor, ku u vendos për emrin e tij të Maqedonisë. /tesheshi.com/
