Binali Jëlldërëm, kryeministri i Turqisë, ka dhënë informacione të tjera për atë çka po ngjet aktualisht.
Kështu, ai ka njoftuar për një gjeneral puçist të vrarë, por pa e dhënë emrin e tij. Gjithnjë sipas asaj çka ai bën të ditur, deri tani janë arrestuar 130 ushtarë.
Përndryshe, në Ankara kanë humbur jetën 42 persona gjatë përpjekjes për grusht shteti.
Televizioni informativ CNN Türk ka rinisur transmetimin pasi u zaptua më herët.
Në një ndërtesë televizive, te transmetuesi shtetëror, TRT, ka nisur arrestimi i ushtarëve pjesëmarrës në puçin ushtarak.
Një lajm i mirë vjen në lidhje me aeroportin e Stambollit, që do i rikthehet normalitetit që nga ora 06:00 e këtij mëngjesi. Fluturimet do të nisin në oraret e caktuara, veçse u kujtohet udhëtarëve që të informohen më parë në faqen zyrtare të aeroportit Ataturk. /tesheshi.com/
