Një emër i ri do jetë në kabinetin Rama në këtë fillimvit të ri qeverisës. Quhet Adea Pirdeni dhe do mbajë postin e ministres së Shtetit për Administratën Publike dhe Antikorrupsionin.
Kreu i qeverisë ka publikuar dekretin ku i propozon Presidentit Bajram Begaj emërimin e saj, duke e shoqëruar me komentin përkatës:
“Në këtë fazë të re zhvillimi të vendit dhe në kushtet kur Shqipëria po punon për kapitujt e negociatave për anëtarësim me Bashkimin Europian, pasi sapo ka hedhur me sukses hapin e parë të tyre, kërkohet një qasje e re ndaj administratës publike, për të rritur krahas pagave konkuruese dhe cilësinë e burimeve tona njerëzore, duke adresuar të gjitha hallkat e procesit të funksionimit të saj, nga rekrutimi deri tek promovimi i nëpunësve; duke rishikuar me një sy më kërkues e me ekspertizë më të konsoliduar organizimin e institucioneve, strukturat e funksionet e tyre, proceset e punës e të ndërveprimit mes tyre; duke krijuar kushte më të mira e mekanizma të qëndrueshëm për motivimin e për trainimin e trupës sonë të Shërbimit Civil dhe me radhë…”.
Rama cek dhe arsyen se pse zgjodhi këtë emër për t’ja besuar këtë detyrë.
“Për ta nxitur këtë qasje të re dhe adresuar sfidat e Këtë detyrë do ta kryejë zonja Adea Pirdeni, e cila ka kryer tre vjetët e fundit rolin e zv.ministres së drejtësisë dhe ka spikatur me lidershipin e me profesionalizmin e saj në rolin e zv.kryenegociatores me Bashkimin Europian, si edhe në mbulimin e kapitullit madhor të Gjyqësorit e të Drejtave Themelore”. /tesheshi.com/
