Në profilin e Ministrisë së Mbrojtjes së Ukrainës në Twitter është shfaqur një foto, e cila shumë shpejt është përhapur në rrjetet sociale.
Në foto shihet një ushtar që i propozon të dashurës së tij, e cila është gjithashtu ushtarake. Yevhen dhe Liza, anëtarë të Brigadës 121 të Mbrojtjes Territoriale të Ukrainës, u fejuan në mes të pyllit ku kryejnë detyrën për mbrojtjen e vendit.
“Edhe në luftën më të madhe të shekullit të 21-të, ka një vend dhe një kohë për dashurinë. Ukraina është dashuri,” shkroi ai krahas postimit.
Shumë kanë shkruar në komente se ky çift nga Ukraina ka treguar se “dashuria është e mundur edhe në kohët më të vështira siç është lufta”.
“Shpresojmë që së shpejti të jetoni në paqe”, “Gjatë kësaj lufte ndodhin edhe gjëra të bukura”, “Besoj se së shpejti do të keni një dasmë të mrekullueshme në liri dhe paqe”, “Dashuria është mbi të gjitha”, janë disa nga komente poshtë postimit që ka gëzuar shumë.
Kujtojmë se natën e 24 shkurtit të vitit të kaluar, Vladimir Putin urdhëroi një pushtim dhe rusët sulmuan Ukrainën. Lufta u përhap në të gjithë territorin e Ukrainës dhe vazhdon edhe sot e kësaj dite. /tesheshi.com/
