Bankieri ekuadorian Guillermo Lasso mundi ekonomistin e majtë Andres Arauz në raundin e dytë të zgjedhjeve presidenciale të së dielës, duke bërë presion për një politikë të hapur të tregut në vend të një kthimi në socializëm, raporton Reuters.
Arauz pranoi humbjen, pasi ai fitoi vetëm 47.5 përqind, ndërsa Lasso 52.5 përqind të votave, sipas Këshillit Kombëtar të Zgjedhjeve.
“Eshtë një ditë në të cilën të gjithë ekuadorianët kanë vendosur të ardhmen e tyre, ata kanë shprehur nevojën për ndryshim dhe dëshirën për ditë më të mira”, tha Lasso në një tubim ku mbështetësit brohorisnin “Lasso President!”
Fitorja e Lasso-s pritet të përshëndetet nga investitorët e huaj që u mërzitën nga premtimet e Arauz për shpenzime të larta shoqërore për shkak të financave të dobëta publike dhe një ekonomie në vështirësi.
Kjo fitore thyen gjithashtu trendin e fitoreve elektorale të majta në Amerikën Latine në vende të tilla si Argjentina, Kili dhe Bolivia.
Lasso do të marrë detyrën në 24 maj.
Ekonomia e vendit eksportues të naftës është tashmë e dobët për shkak të çmimeve të ulëta të naftës bruto kur filloi shpërthimi i virusit corona. Pandemia ka shtyrë një të tretën e popullsisë në varfëri kur ka më shumë se 17 milion, dhe gjysmë milioni njerëz mbeten të papunë. /tesheshi.com/
