Ish-presidenti amerikan Barack Obama është nderuar me një Emmy për rrëfimin e tij të serialit dokumentar të Netflix – “Parqet tona të mëdha kombëtare”, njoftoi Akademia Amerikane e Televizionit të shtunën.
Ceremonia e ndarjes së çmimeve do të zhvillohet më 13 shtator.
Një tjetër president amerikan ka marrë një Emmy, Dwight Eisenhower në 1956, por ishte një çmim nderi.
Pas largimit nga presidenca amerikane në vitin 2017, Barack Obama dhe gruaja e tij Michelle kanë shkruar libra me kujtimet e tyre. Në të njëjtën kohë, përveç fondacionit të tyre, ata krijuan një kompani produksioni që nënshkroi një kontratë me Netflix që vlerësohet të jetë dhjetëra miliona dollarë.
Dokumentari i parë i kompanisë së tyre, “American Factory”, fitoi një Oscar për dokumentarin më të mirë dhe një Emmy për regjisorin më të mirë të një dokumentari, por ato çmime iu takuan krijuesve të tij, jo Obamës.
Përveç kësaj, ish-presidenti amerikan ka fituar edhe dy Grammy për versionet audio të kujtimeve të tij: “Guximi i shpresës” dhe “Ëndrrat nga babai im”.
Barack Obama u nderua gjithashtu me Çmimin Nobel për Paqe pas zgjedhjes së tij në presidencën amerikane në vitin 2008 për “përpjekjet e tij të jashtëzakonshme për të forcuar diplomacinë ndërkombëtare dhe bashkëpunimin mes popujve”. /tesheshi.com/
