Dhimbja e kokës prek afro 46% të popullsisë botërore, në masë dominuese nga femrat. Një studim amerikan i publikuar në “Bmj Open”, ka zbuluar se ekziston një lidhje e ngushtë mes konsumit të kripës dhe shpeshtisë së këtij çrregullimi.
Laërence Appel, një prej studiueseve të John Hopkins University në Baltimora shprehet se “një sasi më e reduktuar e kripës shoqërohet direkt me ulje të rrezikut për tu prekur nga dhimbja e kokës”.
Ky zbulim u bë pasi u analizuan rastet e 390 personave të ndarë në dy grupe, ku njëri grup konsumonte fruta, perime dhe ushqime të tjera por pa shumë kripë, ndërsa grupi tjetër hante rregullisht ushqime siç kishin bërë gjithmonë.
Shkencëtarët zbuluan se grupi që kalonte sasinë e 9 gramëve në ditë, kishin më shpesh dhimbje koke, presion në arterie dhe fryrje të barkut. Ndërsa grupi që konsumonte sasi më të paktë kripe, shfaqnin simptoma më të rralla të dhimbjes së kokës. /tesheshi.com/
