Drejtuesit e Departamentit të Mbrojtjes të SHBA thonë se një e treta e forcave të armatosura refuzojnë të marrin vaksinën COVID-19, pavarësisht shkallës së lartë të infeksionit dhe pjesëmarrjes së tyre në fushatën e vaksinimit të popullsisë.
Gjenerali Jeff Taliaferro zbuloi këtë informacion në lidhje me shkallën e lartë të refuzimit në seancën dëgjimore në Kongres, në një kohë kur Pentagoni ende beson se ushtarët e tij mund të vendosin lirisht nëse do të vaksinohen kundër COVID-19.
“Shkalla e pranimit është rreth dy të tretat,” tha ai, duke theksuar se numri bazohet në “të dhëna fillestare”, raporton AFP.
Zëdhënësi i Pentagonit John Kirby tha se nuk kishte të dhëna gjithëpërfshirëse të vaksinimit për forcat e armatosura si një e tërë, por që 915,500 njerëz ishin vaksinuar deri më tani.
Nuk ka detyrim për të vaksinuar
Shkalla e refuzimit është disi e ngjashme me normën në popullatën e përgjithshme, shtoi Kirby.
Qeveria ka rekrutuar anëtarë të forcave të armatosura dhe Gardës Kombëtare për të forcuar kontigjentet e saj që marrin pjesë në një fushatë vaksinimi mbarëkombëtare.
Pentagoni kërkon që ushtarët të marrin shumicën e vaksinave standarde.
Por në SHBA, vaksinat kundër COVID-19 që janë aktualisht në përdorim aprovohen sipas procedurës së shpejtë të Agjencisë Amerikane të Zbatimit të Barnave, kështu që ushtria nuk mund të detyrohet të vaksinohet, tha Kirby.
“Ekziston një kufizim i vërtetë ligjor … për ta bërë (vaksinimin) të detyrueshëm për ushtarët dhe familjet e tyre,” shtoi ai. /tesheshi.com/
