Kryeministri Rama lëshoi një paralajmërim një ditë para fazës së parë të hapjes, duke i kujtuar shumë subjekteve që të jenë të kujdesshëm në zbatimin e çdo rregulli të përcaktuar.
“Kujdes!
Konstatojmë se ka dyqane joushqimore që lajmërojnë hapje për nesër! Hap i nxituar në kundërshtim me ligjin çdo hapje e pamiratuar nga ministria e shëndetësisë!
Bizneset e lejuara, në bazë të urdhërit të ministres së shëndetësisë për javën e ardhshme (20-26 prill), janë të publikuara në portalin e-albania, së bashku me protokollet përkatëse të sigurisë shëndetësore.
Hapja e çdo aktiviteti tjetër jashtë asaj liste të miratuar është e kundërligjshme. e-albania do të ketë gati nga sot në mbrëmje edhe lejen për ushtrim aktiviteti në bazë të listës së miratuar, të cilën çdo biznes duhet ta disponojë nga e marta e tutje për ushtrimin e veprimtarisë së vet.
Ju lutem verifikoni në faqen e e-albania nëse biznesi juaj mund të hapet nesër”, shkruan shefi i qeverisë.
Më pas ai kujton planin e një tjetër faze hapjeje.
“Duke parë ecurinë e përballjes me armikun e padukshëm, do të vendoset dhe lajmërohet në ditët në vijim hapja e mundshme e një blloku tjetër biznesesh gjatë javës së mëpastajme (27 prill – 3 maj)”, shkruan Rama. /tesheshi.com/
