Bjeshkët e Rugovës së Pejës kanë një bukuri të rralla. Në këto bjeshkë shtrihen disa fshatra piktoreske që kanë karakteristika të veçanta natyrore. Këtë herë ekipi i tesheshi.com do të sjellë një reportazh nga pjesa e bjeshkëve të Rugovës ku shtrihet Liqeni i Madh.
Prej kur fillon rruga për të kaluar atë pjesë fillon impresionomi se si shtrihet bjeshka në dy skajet e rrugës e mbushur me pisha të mëdha. Rruga është e asfaltuar deri lart të një restorant që është hapur në maje të asaj bjeshke. Nga ajo pjesë mund të shohësh gjithë Rugovën si në pëllëmbë të dorës. Por nuk mbaron këtu. Në këtë pjesë ndodhet edhe liqeni. Por për të shkuar aty duhet djersitur paksa. Prej vendit ku përfundon asfalti e deri të liqeni distanca është dy kilometra. Por këto dy kilometra janë të shtrija të tatëpjeta dhe shkëmbinj aty duhet shkohet vetëm në këmbë.
Për fat të mirë e gjithë kjo rrugë është e shënjuar me shenja dhe në disa vende përshkruhet distanca deri të caku, ku të jep shpresë se jeni duke mbërritur të caku. Në këtë rrugë takuam shumë të rinj dhe nxënës bashkë me profesorë të gjeografisë e kishin vizituar Liqenin e Madh dhe kishin mbetur të habitur nga bukuria që kishin parë atje. Gjatë rrugës takuam edhe qytetarë nga Tirana të cilët kishin ardhur për të vizituar atë pjesë të bjeshkës dhe liqenin dhe kishin mbetur të habitur me këto bukuri natyrore që ka kjo pjesë.
Kur afrohesh afër liqenit, e sheh që bora në atë pjesë nuk është shkrirë ende bora. Liqeni shtrihet mu në mes të bjeshkës dhe është i rrethuar me pisha të mëdha dhe me borë përreth. Pra në këtë vend të mrekullueshëm e piktoresk mrekullohesh kur i ndjen rrezet e diellit, shijon aromën e luleve të pranverës dhe njëkohësisht sheh praninë e borës.
Të nxitët kureshtja dhe nuk e kupton dot se si ato pisha që rrethojnë liqenin janë rritur mu në mes të shkëmbinjve të mëdhenj. Aq të lartë janë ata shkëmbinj sa që edhe retë të dukën se të janë afruar shumë.
Rreth liqenit ka hapësira të mjaftueshme për të pushuar dhe për të shijuar bukuritë e këtij vendi. Në një pjesë të lartë të bjeshkës ishte vendosur flamuri kombëtar kuq e zi që e zbukuronte edhe më shumë këtë pjesë.
As këtu nuk i ikë dot politikës!
Kthimi nga liqeni ishte më i lehtë dhe më i shpejtë pasi që ishte teposhtëze. Afër vendit ku përfundon asfalti ka shumë vila. Disa prej tyre janë mu në mes të malit, disa prej tyre nuk lëshoheshin me qira, por kishte edhe shumë tjera që mund të merreshin me qira. Kishte mundësi të shumta të zgjedhjes. Kostoja e një vile është 30 euro për një natë. Vila ishte dy kate dhe ishte komode. Aty kishte mundësi që të porositje edhe ushqime të ndryshme tradicionale.
Kërkesat për të blerë tokë në këtë pjesë ishin rritur dukshëm viteve të fundit. Aktualisht rreth 5 mijë euro kushtonte një ari tokë, dhe thuhej se është e vështirë që të gjesh për ta blerë.
Kur e bëmë pazarin për vilën me qira, nuk e lamë pa e pyetur pronarin se ku po pretendohet se po vendoset kufiri i shumëpërfolur muajve të fundit. Ai na tregoi se ishim shumë afër asaj pjese. Ai na tregoi se kjo pjesë është pronë e shtetit të Kosovës dhe se gjithmonë ka qenë e tillë, por është e pakuptueshme që sipas tij kjo pjesë piktoreske t’i falet Malit të Zi. Ai na tregoi se edhe ai liqen shumë i bukur ku e vizituam gjatë ditës gjysma i takon Malit të Zi dhe gjysma Kosovës.
“Babë e babagjysh janë rritur këtu dhe na kanë treguar se kjo pjesë është e Kosovës, nuk e di këta politikanët dhe ata që po i quajnë ekspertë na e bënë këtë të zezë. Ja tutje këtij mali po thonë që i takon Malit të Zi, ajo gjithmonë ka qenë e Kosovës. Nëse e keni parë liqenin, pjesa që është më e mbushur sipas këtij demarkacioni i takon Malit të Zi, kurse pjesa tjetër Kosovës”, thotë ai.
Pas këtyre fjalëve na u kujtua edhe domethënia e flamurit kuq e zi në atë pjesë dhe simbolika se ajo i takon Kosovës, e jo Malit të Zi. Alpinistët e kanë vendosur atë flamur, por nuk e dimë a do ta mbajë aty qeveria e ardhshme e Kosovës. /tesheshi.com/
