Tre herë fituesja e Oscar-it, aktorja amerikane Meryl Streep, ka fituar një nga çmimet më prestigjioze në botën spanjolle, Princesha e Asturias, për “interpretime të paharrueshme të personazheve komplekse femra” në një karrierë që përfshin më shumë se 50 vjet.
Juria ia ndau çmimin aktores 73-vjeçare në kategorinë e artit, thuhet në një komunikatë për media.
“Sinqeriteti dhe përgjegjësia që sjell në zgjedhjen e roleve sipas modeleve të frymëzuara dhe të zgjedhura me kujdes shkojnë përtej kufijve të ekranit të filmit”, shtohet në deklaratë.
Fituesja e trefishtë e Oscar-it është shfaqur në më shumë se 60 filma, duke fituar statusin ikonik për rolet që variojnë nga një nënë që i mbijetoi një kampi përqendrimi nazist deri tek një nënë që këndon këngët e ABBA-s.
Ajo fitoi Oscar-in e saj të fundit në vitin 2012 për rolin e saj si Margaret Thatcher në filmin “The Iron Lady”.
Scorsese, Coppola, Haneke, Gehry…
Para kësaj, ajo mori çmimin në 1980 për dramën “Kramer kundër Kramer” dhe në 1983 për “Sofia’s Choice”.
Çmimi 50,000 euro Princesha e Asturias është një nga tetë që mbulojnë artet, shkencat dhe fusha të tjera dhe jepet çdo vit nga një fondacion i quajtur për nder të Princeshës Leonor, trashëgimtare e fronit spanjoll.
Ndër fituesit e mëparshëm të çmimit në fushën e artit janë regjisorët amerikanë Martin Scorsese dhe Francis Ford Coppola, regjisori austriak Michael Haneke dhe arkitekti amerikan Frank Gehry.
Çmimi do t’i jepet asaj në një ceremoni të organizuar nga Mbreti Felipe VI i Spanjës dhe do të transmetohet drejtpërdrejt në televizionin spanjoll në tetor. /tesheshi.com/
