Një Bibël hebraike mijëvjeçare, më e vjetra e njohur si gati e plotë, është shitur në ankand në New York për 38.1 milionë dollarë rekord, njoftoi Sotheby’s.
Pas shitjes, Bibla do t’i dorëzohet Muzeut të Popullit Hebre në Tel Aviv, raportoi AFP.
Kodiku Sassoon (Codex Sassoon), i quajtur sipas pronarit të tij më të famshëm, David Solomon Sassoon, u ble nga ish-ambasadori dhe filantropisti amerikan Alfred Moses dhe familja e tij.
Sotheby’s konfirmoi se blerja është bërë “për të mirën e Miqve Amerikanë të Muzeut të Popullit Hebre” dhe se ajo i është dhuruar institucionit. /tesheshi.com/
