Një anije turke me magnez pëson avari në Adriatik, rrezik ndotja e detit

Një anije turke ka pësuar avari në ujrat kroate të detit Adriatik, pak pranë ishullit të Jabukas në zonën e bregut dalmat.

Anija e mallrave me gjatësi prej 85 metra ka 13 anëtarë të ekuipazhit (11 qytetarë turq dhe dy shtetas indianë). Autoritetet kroate kanë nisur një operacion shpëtimi, ku një pjesë e ekuipazhit është evakuar dhe askush nuk është plagosur.

Komandanti i anijes vendosi të qëndrojë me katër anëtarët e tjerë të ekuipazhit në bord.

Në kohën e fatkeqësisë, ndotja e detit nuk është zbuluar për momentin, por meqenëse anija ka transportuar magnezit pluhur dhe pasi ka karburant në të, autoritetet kanë nisur të gjitha protokollet për të parandaluar dhe eliminuar ndotjen e mundshme. /tesheshi.com/