Tango D10S, një aeroplan me 12 vende, u projektua si një muze fluturues për nder të Maradonës, kampionit të botës me Argjentinën, i cili vdiq nga një atak në zemër në fund të vitit 2020.
Një avion kushtuar legjendës së futbollit argjentinas Diego Maradona u zbulua përpara një udhëtimi që do të përfundojë në Kupën e Botës në Katar më vonë këtë vit, raporton Reuters.
Tango D10S – një avion 12-vendësh i financuar nga një kompani argjentinase, u projektua si një muze fluturues për nder të Maradonës, kampionit të botës me Argjentinën, i cili vdiq nga një atak në zemër në fund të vitit 2020.
Në trup është një foto e Maradonës duke puthur trofeun e destinuar për kampionin e botës. Dhe në bisht të avionit është potreti i tij.
Në krahë janë fotot e të dy golave të tij nga fitorja 2-1 e Argjentinës ndaj Anglisë në çerekfinalet e Kupës së Botës 1986: një gol hileqar në krahun e majtë dhe një gol spektakolar në të djathtë.
“Unë jam i çmendur për Maradonën, unë jam një nga ata njerëz që ende shikojnë video me Diegon para se të bie në gjumë”, tha Gaston Kolker, CEO i kompanisë fintech Give and Get.
“Ky është Botërori i parë pa Maradonën, dhe ndoshta i fundit me (Lionel) Messin. I thashë: Dua të bëj një aeroplan Diego. Dhe kështu ne lançuam Tango D10S. Kur shokët e skuadrës së Maradonës, të cilët fituan Kupën e Botës 1986 me të, e panë këtë, ata mbetën të shtangur, të hipnotizuar nga avioni”, tha Kolker në zbulimin me anëtarët e tjerë të kombëtares kampione të Argjentinës.
Plani është të fluturojmë me aeroplan rreth Argjentinës dhe përfundimisht në Katar për Kupën e Botës në nëntor.
Tifozët do të mund të hipin në aeroplan dhe të lënë një mesazh për Maradonën, të “ndërveprojnë” me lojtarin e ndjerë përmes inteligjencës artificiale dhe të shohin kujtimet e tij dhe lojtarëve të tjerë nga brezi i famshëm. Avioni gjithashtu do të jetë i disponueshëm për qira private përpara se të dalë në ankand për bamirësi. /tesheshi.com/
