Komiteti i Tregtisë Ndërkombëtare të Parlamentit Evropian (INTA) i ka kërkuar Komisionit Evropian që të përjashtojë vendet e Ballkanit Perëndimor nga një skemë që detyron eksportin e pajisjeve mjekësore nga Bashkimi Evropian.
“Duke pasur parasysh lidhjet e ngushta me partnerë të rëndësishëm në lagjen e BE-sw, INTA po kërkon që përjashtimi nga kërkesa e autorizimit të shtrihet në vendet e Ballkanit Perëndimor,” raporton vetw INTA.
Në një letër dërguar Komisionerit Evropian për Tregti Phill Hogan, Komiteti për Tregtinë Ndërkombëtare shprehu mbështetje të përgjithshme për një dispozitë të miratuar nga KE, e cila kërkon lëshimin e licencave kombëtare për eksportin e pajisjeve mbrojtëse mjekësore nga BE në vendet e treta.
Në të njëjtën kohë, INTA thekson se KE dhe vendet anëtare të BE-së duhet të mbajnë në vëmendje rëndësinë e “bashkëpunimit dhe solidaritetit ndërkombëtar” dhe duhet t’i kushtojnë vëmendje të veçantë ndikimit të mundshëm negativ të një mase të tillë në vendet më të dobëta në botë ekonomikisht.
KE kishte thënë më parë se tashmë ishte udhëzuar nga Shtetet Anëtare të merrnin parasysh “situatën dhe kërkesat nga vendet fqinje”, si pjesë e skemës së vendosur për të autorizuar eksportin e pajisjeve mjekësore mbrojtëse.
“Kjo vlen kryesisht për vendet e Ballkanit Perëndimor. Ata nuk janë të liruar nga eksportet kufizuese të pajisjeve mjekësore, por KE praktikisht rekomandon që Shtetet Anëtare t’u përgjigjen kërkesave nga rajoni nëse është e mundur,” shpjeguan burimet e BE.
Më 15 mars, Presidentja e KE-së, Ursula von der Leyen njoftoi në mënyrë që të mbronte sistemet shëndetësore brenda BE-së se eksportet e pajisjeve mjekësore jashtë Unionit ishin të kufizuara, duke theksuar se kjo do të lejohej vetëm me miratimin e shprehur të qeverive të Shteteve Anëtare.
Norvegjia, Islanda, Lihtenshtajni dhe Zvicra janë të përjashtuar nga kjo dispozitë. /tesheshi.com/
