Seria prej tetë ndeshjesh e play-off-it që do të përcaktojë katër skuadrat e fundit që do t’u bashkohen të tjerave në udhëtimin e tyre për në Francë vitin e ardhshëm nis sonte me sfidën Norvegji – Hungari.
Një tjetër takim do të luhet mbrëmjen e së premtes, e pikërisht Bosnjë-Hercegovinë – Irlandë.
Dhe të shtunën do të kemi dy sfida të tjera, Ukrainë – Slloveni, si dhe derbin skandinav, Suedi – Danimarkë.
Ndeshjet e kthimit do të nisin të dielën, me të njëjtën radhë si ato të parat.
Kështu, këtë të dielë Hungaria do të presë Norvegjinë, për të vijuar të hënën, më 16 nëntor, me irlandezët që do të presin boshnjakët.
Dhe të martën, që luhen takimet e fundit, Sllovenia pret Ukrainën, e Suedia luan në Kopenhagen. /tesheshi.com/
