Në fundin e postit të tij si President, kreu i shtetit shqiptar Bujar Nishani, ka rezervuar një nderim dhe pëtr senatorin Bob Doll, duke i dhënë “Dekoratën e Flamurit Kombëtar”
“Me mirënjohje të thellë dhe vlerësim të lartë shtetëror ndaj kontributit të çmuar dhe ndihmesës thelbësore dhënë për promovimin dhe zgjidhjen e çështjes kombëtare shqiptare, si dhe për lobimin në Senatin Amerikan në përkrahje të palëkundur të lirisë dhe Pavarësisë së Kosovës”, thuhet në motivacionin përkatës.
Presidenti Nishani tha se ndihej dha ai i nderuar që po jepte një vlerësim të tillë për një mik të madh të Shqipërisë.
“Senatori Dole se ka qenë dhe mbetet një nga përkrahësit dhe politikëbërësit amerikanë më me influencë, që jo vetëm ka përkrahur qysh në fillim të viteve ’90-të, por ka ndihmuar zgjidhjen e çështjes shqiptare në Kosovë si dhe përparimin e proceseve demokratike në Shqipëri, duke ndikuar edhe në procesin e paqtimit, dialogut, mirëkuptimit, begatisë dhe orientimit euro-atlantik të mbarë rajonit të Ballkanit”, shtoi kreu i shtetit. /tesheshi.com/
