Presidenti Bujar Nishani ka deklaruar sot se ndryshimet kushtetuese për reformën në drejtësi kanë një problem.
Në një konferencë shtypi Nishani tha se ka një kleçkë në reformë.
“Neni 149/d, përcakton në pikën 3 që Këshilli i Emërimeve përbëhet nga 9 anëtarë që zgjidhen me short nga Presidenti brenda pesë ditësh nga hyrja në fuqi, ndërsa pika 5 përcakton që kriteret e tjera për shkallën e kualifikikmit të kandidatëve parashikohen me ligj.
Pra Presidenti ndodhet në një situatë kur Kushtetua i kërkon të zgjedhë dhe po Kushteuta i kërkon që kriteret e atyre që kandidojnë përcaktohen me ligj, ndërkohë që nuk kemi ligj ende për këtë”, tha Nishani.
Presidenti tha se për këtë situata ka informuar edhe Parlamentin dhe shprehu gatishmërinë që kjo problematikë të gjejë zgjidhjen më të mirë të mundshme.
Kushtetuta e re hyn në fuqi më 11 gusht dhe Presidenti ka kohë deri më 16 gusht që të përzgjedhë me short nëntë anëtarët e Këshillit të Emërimeve në Drejtësi.Po nëse shkelet ky afat? Presidenti tha se Kushtetuta parashikon edhe këtë rast dhe nuk do të ketë ngërç, pasi e drejta e zgjedhjes së anëtarëve i kalon kreut të Kuvendit me dyfishin e afatit kohor.
“Nëse shkelet afati 5-ditorë nga Presidenti, e drejta e zgjedhjes me short të anëtarëve të Këshillit të Emërimeve i kalon Kryetarit të Kuvendit, që ka 10 ditë afat”, tha Nishani.
/tesheshi.com/
