Kreu i shtetit Bujar Nishani ka dekretuar këtë të hënë emrat e ministrave të rinj të qeverisë, “teknicienëve” propozuar nga PD dhe çuar nga Rama në Presidencë.
Me dekret të Nishanit është liruar nga detyra Niko Peleshi dhe ne vend të tij në postin e zv. kryeministrit është emëruar Ledina Mandia.
Nga Rendi largohet Fatmir Xhafaj që zëvëndësohet nga Dritan Demiraj.
Helga Vukaj zë postin e lënë nga Arben Ahmetaj tek Financat. Ndërsa Drejtësinë e merr Gazmend Bardhi në vend të Petrit Vasilit.
Tek Arsimit shkon Mirela Karabino në vend të Lindita Nikollës.
Ndërsa Arben Beqiri zë vendin e Ogerta Manastirliut në krye të Shëndetësisë
Po kështu, dhe Olta Xhaçka do të zëvendësohet nga Xhuljeta Kërtusha në postin e ministres së Mirëqenies Sociale dhe Rinisë.
Tek emrat e rinj po ka shumë të përfolur për disa cilësi, ku veçohen Dritan Demiraj, i larguar nga Mimi Kodheli pak vite më parë nga Mbrojtja, por me një karrierë të shkëlqyer ushtarake.
Sakaq, Helga Vukaj që merr Financat, konsiderohet dhe nga demokratë si njeriu jo i duhur për këtë post, për shkak të një të kaluare problematike në krye të pronave, gjatë qeverisjes së Berishës. /tesheshi.com/
