Shkatërrimi i kampit famëkeq të emigrantëve në Kale të Francës pritet të nisë ditën e nesërme, por më parë është filluar me zhvendosjen e të strehuarve në të nëpër qendrat e tjera të strehimit në vend.
Më tepër se 1.200 forca policore dhe zyrtarë janë angazhuar në operacionin për pastrimin e kampit, ndërkohë që ai strehon diku te 7.000 njerëz.
Mediat franceze e përshkruajnë gjendjen si të tensionuar. Megjithatë, autobusët e parë, nga 60 të tillët që do t’i mbartin të strehuarit në kamp, janë nisur të mbushur drejt kampeve të refugjatëve anembanë Francës.
Në fundjavë ka patur disa përplasje me policinë, pasi një pjesë e emigrantëve duan të largohen drejt Britanisë.
Të shpërngulurit do të strehohen në 450 qendra në pjesë të ndryshme të Francës. Ata do të kenë mundësi të kërkojnë azil, ose përndryshe mund të përballen me dëbimin. /tesheshi.com/
