Presidenti turk Rexhep Tajip Erdogan ka prezantuar një nëndetëse të tipit të ri në qytetin Kocaeli, dhe njoftoi se Marina Turke do të ketë të paktën gjashtë nëndetëse të reja turke deri në vitin 2027.
Erdogan foli në Stamboll në ceremoninë e nisjes së nëndetëses turke “Pirireis”, e cila është e para e një lloji të ri.
Ai theksoi se ky projekt ka filluar katër vjet më parë, dhe pritet që deri në vitin 2022 të sigurojë një shërbim.
Duke kujtuar se ndërtimi i anijes “Selmanreis” do të fillojë para fundit të vitit të ardhshëm, Erdogan tha se nga viti 2022, një nëndetëse e re do të prodhohet çdo vit.
“Pra, deri në vitin 2027, Marina jonë do të ketë në dispozicion të gjashtë të nëndetëset tona të reja”, tha Erdogan.
Duke komentuar zhvillimet e tanishme, Erdogan tha se Turqia në asnjë mënyrë nuk do të hiqte dorë nga hapat e ndërmarrë në Siri ose nga marrëveshjet e arritura me Libinë.
Ai theksoi se Turqia nuk ka ndërmend të shkaktojë ndonjë telash ose të uzurpojë të drejtën e askujt.
“Askush të mos na afrohet me synimin për të na përjashtuar, duke uzurpuar brigjet tona ose duke uzurpuar interesat tona ekonomike”, përfundoi Erdogan. /tesheshi.com/
