Ka nisur sot samiti i rëndësishëm që do të përcaktojë nëse Shqipëria do të anëtarësohet në UNESCO apo jo.
Sesioni i 38-të i Konferencës së Përgjithshme të UNESCO-s ka në rendin e ditës dokumentin e përgatitur nga Kryesia që propozon anëtarësiimin e Kosovës, propozim që duhet të votohet nga shumica e anëtarëve.
Muaji i fundit ka qenë muaj i “luftës” diplomatike, kryesisht në botën virtuale, mes dy qeverive, të Kosovës dhe asaj të Serbisë për të paraqitur argumente e kundër-argumente për pranimin apo mospranimin e Kosovës në UNESCO, transmeton Koha.net.
Kosova edhe Serbia, kanë hapur ueb-faqe për të promovuar trashëgiminë kulturore të Kosovës, secili në versionin e vet.
Vota për pranimin e Kosovës në UNESCO pritet të mbahet në seancën e 9 nëntorit.
Më 21 tetor, Bordi Ekzekutiv i UNESCO-s përkrahu kërkesën e Shqipërisë dhe i rekomandoi Konferencës së Përgjithshme futjen e çështjes së pranimit të Kosovës në këtë organizatë në agjendë.
Konferenca e Përgjithshme ka 195 anëtarë, nga të cilët 111 e kanë njohur Kosovën, e 84 jo, dhe rekomandimit i duhen dy të tretat e votave për të kaluar.
/tesheshi.com/
