Kryeministri Rama bëri një paralajmërim të fortë në futjen e “orës policore” të një vetëizolimi kolektiv, i cili do zgjasë që nga ora 13.00 e të shtunës e deri në të hënën në 5.00 të mëngjesit.
“Nga tani, e shtunë, ora 13.00, deri të hënen, ora 05.00, të gjithë në shtëpi!
Kush nuk do të dëgjojë, le ta provojë dhe do ta shikojë se si meqë nuk merr vesh me të mirë, do ta mësojë me pahir!
Një pakicë e vogël fare, po mëse e mjaftueshme për të na çuar drejt një katastrofe kombëtare, nuk mund të hedhë në plehra rezistencën e madhe popullore që 99% e shqiptarëve po e bëjnë mrekullisht!
Një tufe të pabindurish, tradhëtarë lufte që përhapen rrugëve si virus shoqëror, për t’u kthyer në baza ushtarake të armikut që bombardon përmes tyre, do t’i përgjigjemi me gjuhën e forcës ligjore e policore.
Këtë luftë do ta çojmë deri në fund me çdo çmim e çdo mjet, si një familje e vetme dhe pa asnjë tolerancë për tradhëtarët mes nesh”, shkroi Rama. /tesheshi.com/
https://www.facebook.com/edirama.al/videos/201882157750815/
