Ka nisur takimi që është thirrur nga kryeministri në largim Ramush Haradinaj, në përpjekje për të diskutuar alternativa të qeverisjes pasi vendi është në një status pa qeveri, qoftë de fakto, ashtu edhe de jure.
Kryeministri ka mbledhur rreth vetes figurat kryesore si NISMA e Fatmir Limajt dhe ARK-në e Behxhet Pacollit, por jo edhe PDK-në me kreun e saj, Kadri Veselin.
Mungesa e tij megjithatë nuk pati ndonjë arsye të cekur, ndonëse analistët kanë vërejtur se disponimi më i madh pas dorëheqjes së Haradianjt u shpreh pikërisht nga partia e Veselit, aspirantja për pushtet më gjithëpërfshirës.
Këtë javë pritet edhe mbledhja e liderëve nga ana e presidentit Hashim Thaçi, ku ky i fundit ndonëse mban rolin unifikues, nuk bëri asnjë hap për të gjetur zgjidhje të krizave nëpër të cilat vendi po kalon.
Presidenti është kritikuar mjaft edhe për “reagimin e shurdhër” që bëri ndaj ftesës që Haradinajt i erdhi për në Hagë. /tesheshi.com/
