Forumi Ekonomik Botëror (WEF) në Davos, i 53-ti me radhë, do të mbahet nga e hëna deri më 20 janar dhe në këtë takim do të mblidhen një numër rekord biznesmenësh, përfaqësues të kompanive më të mëdha botërore, liderë shtetërorë dhe personazhe të famshëm.
Forumi në resortin e famshëm dimëror zviceran u mbajt për herë të fundit në kohën e tij tradicionale, në janar 2020, pasi në vitin 2021 u organizua virtualisht, ndërsa vitin e kaluar eventi u shty për në maj, për shkak të virusit korona.
Sipas agjendës zyrtare të WEF, 52 krerë shtetesh, 56 ministra financash, 19 guvernatorët e bankave qendrore, 30 ministra tregtie dhe 35 ministra të jashtëm, përfaqësues të Kombeve të Bashkuara, Fondit Monetar Ndërkombëtar (FMN), Organizatës Botërore të Tregtisë (OBT) do të marrin pjesë edhe të tjerë të organizatave ndërkombëtare.
Përfaqësuesit rusë, sipas njoftimeve të mëparshme, nuk do të marrin pjesë dhe pritet të marrë pjesë edhe delegacioni kinez.
Lista e pjesëmarrësve përfshin liderë nga rajoni, si kryeministri Rama, presidenti Vuçiç, përfaqësues të Kosova, zyrtarët më të lartë të Bashkimit Evropian dhe liderë evropianë, si presidentja e Komisionit Evropian Ursula von der Leyen, kancelari gjermane Olaf Scholz dhe të tjerë.
“Bota në një pikë kthese kritike”
Sipas organizatorëve, temat kryesore do të jenë si të zgjidhen sfidat globale ekonomike dhe mjedisore, lufta në Ukrainë dhe shumë çështje të tjera aktuale.
“Të gjithë kemi rënë në një lloj krize,” tha drejtori i WEF Klaus Schwab më herët në një konferencë mbi luftën në Ukrainë, ndryshimet klimatike dhe problemet e alternuara në furnizimin me energji dhe ushqim.
Davos duhet të ndihmojë në sjelljen e një ndryshimi në të menduarit pas pandemisë, tha Schwab, i cili filloi WEF në 1971.
Bota e sotme është në një pikë kthese kritike. Pandemia e COVID-19 dhe lufta në Ukrainë kanë tronditur sistemin tashmë të brishtë global. Rritja ekonomike në ekonomitë më të mëdha në botë është në ngecje dhe çmimet e ushqimeve dhe energjisë vazhdojnë të rriten, njoftuan organizatorët e WEF-it të këtij viti.
Ata theksojnë se për herë të parë që nga vitet 1970, bota po përballet me një çekuilibër të pasigurt midis rritjes dhe inflacionit, të cilat po lëvizin në drejtime të kundërta. /tesheshi.com/
