Derbi iberik Spanjë – Portugali ka qenë ndeshja e parë që ka dhënë shijen Botërorit, ashtu siç i takon një ditë pas startit.
Një barazim 3-3 dhe një Kristiano Ronaldo magjik me tripletë, duke shënuar në fundin e ndeshjes një supergol nga goditja standarte, teksa portugezët po rrëshqisnin drejt humbjes.
Nga Spanja ishte Diego Kosta ai që shkëlqeu me dy gola. E gjithë ndeshja, e cila kaloi nga avantazhi i Portugalisë e më pas në atë të Spanjës, ishte një spektakël i gjallë futbolli.
Në grupin e tyre, Maroku ka patur një humbje aksidentale përballë Iranit me anë të një autogoli, ndërkohë që dominoi të gjithë takimin.
Ndërsa Egjipti, me Muhamed Salah në stol, humbi minimalisht përballë Uruguajit të dyshes Kavani – Suarez, me një gol në minutat e fundit.
Botërori i vërtetë sot filloi…me Spanjë – Portugali! /tesheshi.com/
