BE vendos t’i rrijë larg debatit për ngërçin e emërimeve në Kushtetuese, duke zgjedhur vetëm të apelojë për dialog. Ka qenë ambasadori Soreca që si përfaqësues i Brukselit në Tiranë, shpalli distancën nga debati i nxehtë i ditëve të fundit, me Metën protagonist.
“U bëjmë thirrje institucioneve, që të lënë mënyrë konfliktet për Gjykatën Kushtetuese dhe të ngrenë një institucione të besueshëm. Dialogu është i domosdoshëm në këtë situatë. Më lejoni t’ju them që nuk është roli im t’u jap këshilla institucioneve kushtetuese. Ne jemi këtu për të mbështetur zbatimin e Reformës në Drejtësi që u miratua në formë unanime në parlament. Është e qartë që kemi interpretime të ndryshme dhe nuk është në dorë të BE të bëjë interpretime, por është e rëndësishme që Shqipëria të mos humbasë kohë sepse pikëtakimi do të ndodhë shumë shpejt”, tha Soreca.
“Reforma në drejtësi do të japë rezultate pak muaj më vonë kur të implementohet në mënyrë të plotë”, theksoi kryediplomati i Brukselit në Tiranë.
Megjithatë, qëndrimi i ndërkombëtarëve kundër emërimit nga Meta të Xhaferllarit, është shfaqur deri më tani të mospërshëndetja si akt, siç ndodhi me Besnik Muçin, apo dy anëtaret e reja të votuara në parlament, Elsa Toska dhe Fiona Papajorgji. /tesheshi.com/
