Shenjat në vendin e ngjarjes tregojnë qartë forcën që ka patur shkëmbi që u shkëput nga mali ditën e djeshme duke ju marrë jetën dy vëllezerve dhe gruas shtatzënë.
Nga hetimet rezulton se shkëmbi ka rënë nga lartësi prej 200 metrash dhe pasi ka goditur makinën, ka përfunduar në parcelën aty pranë.
Një dëshmitar, banor i Torovicës rrëfen ngjarjen, teksa thotë se gjithçka ka ndodhur në harkun e pak sekondave.
“Tani që ka rënë shi është zbutur toka dhe ka rënë. Kam qenë tek ura kur e kam parë, punë 10 sekondash nuk ka ndodhur të bjerë guri prej atje, këtu. Morri drejtimin djathtas, por e devijoi lugina dhe erdhi këtu (majtas). Menduam se ra tërmet, aq forcë kishte. Te gurorja është rrezik”, raporton Oraneës.
Banorë të zonës thonë rënia e gurëve në trasenë e rrugës është e vazhdueshme, por raste të kësaj natyre nuk ka patur asnjëherë. Sipas tyre kjo vjen nga dëmtimi që i është bërë bimësise së malit.
Shefi i Emergjencave Civile në Prefekturën e Lezhës, Ndrek Mhillaj, thotë se së bashku me ekspertët e gjoelogji-minierave po monitorohet e gjithë zona dhe më pas do dilet në një konkluzion për rrezikun që mund të kenë shkëmbinjtë përgjatë malit.
Ngjarja tragjike që ju mori jetën tre përsonave ndodhi pasditen e së shtunës në aksin rrugor Balldre-Torovicë, teksa fuoristrada ku udhëtonin viktimat o godit nga një shkëmb që u shkëput nga mali. /tesheshi.com/
