Kryepolici shqiptar, Ardi Veliu, në një reagim të tij pas ngjarjes së Fierit, gjatë grabitjes së një pike valutore mbetën të plagosur dy persona, ndërsa tre grabitësit u kapën pak minuta më pas, është pëbetuar se forca e ligjit do godasë fuqishëm mbi krimin.
“Vlerësim dhe inkurajim për strukturat e Policisë së Fierit, që në kohë rekord ndaluan 3 autorët e grabitjes me armë të një pike këmbimi valutor.
Reagim në kohë e profesional, me gjithë rrezikun që mbarte aksioni i ndjekjes, çka rrit besimin e qytetarëve tek Policia e Shtetit.
Kapja në kohë e autorëve është një sinjal domethënës se Forca e Ligjit do të godasë ashpër çdo element kriminal, me prioritet ata që tentojnë të agresojnë jetën dhe pronën e qytetarëve.
Shërim të shpejtë dy te plagosurve!”, është shprehur Drejtori i Përgjithshëm i Policisë së Shtetit.
Ndryshe nga paraardhësi i tij, Haki Çako, Veliu është më aktiv në prezantimin publik dhe deklarata. Çako, vetëm kohët e fundit nisi të fliste në publik. /tesheshi.com/
