Çeshtja e ligjit të Vetting-ut ëshë kthyer në një mollë sherri mes mazhornacës dhe opozitës, të cilat janë hedhin fajin njëra-tjetrës se janë përgjegjëse për moszbatimin e tij. Kryetari i opozitës, Lulzim Basha është pyetur nga mediat e huaja në Bruksel, lidhur me këtë çeshtje, ndërsa në përgjigjen e tij, ai akuzoi kryeministrin se ka gënjyer, për të dalë nga situata.
“Mendoj se është e qartë në Bruksel, në Berlin, në Tiranë që Rama gënjeu. Gënjeu sepse nuk do të pranojë për përgjegjësinë që ka në moszbatimin e ligjit të dekriminalizimit, për largimin e kriminelëve nga Parlamenti, nga bashkitë”, u shpreh Basha, duke ju referuar rastit të Elvis Rroshit, që sipas tij Rama zgjedh të mos e marrë këtë vendim.
Nga ana tjetër, kryeministri ka reaguar në facebook, ku me nota ironie ka shkruar: “Genjej unë, gënjen BE, gënjejnë SHBA, gënjejnë të gjithe veç Lulit e PD, që janë i vetmi përkthyes besnik i të vërtetave të këtij vendi”.
Basha tha se me ftesë të Kancelares Merkel mori pjesë në punimet e Kongresit të CDU-së, në Essen të Gjermanisë. Ai deklaroi se ka patur një bisedë me kancelaren Merkel.
“E falenderova atë për ndihmën ndaj Shqipërisë dhe shpreha nevojën që ka vendi ynë për mbështetjen gjermane jo vetëm për integrimin në BE, për edhe për të luftuar krimin, korrupsionin dhe për të garantuar demokracinë në vend.Dua t’i siguroj të gjithë shqiptarët se mbështetja e Kancelares Merkel për Shqipërinë dhe shqiptarët do të jetë e palëkundur”, tha Basha./tesheshi.com/
