Në kulmin e një ngarendjeje perëndimore për t’u solidarizuar me Izraelin, një shtet që konsiederohet genocidal dhe aparteidi, me masakra të qarta ndër vite ndaj popullsisë palestineze e jo e kundërta, në të cilën përfshihet dhe Shqipëria, një zë shqiptar në nivel institucional, më saktë Myftinia e Shkodrës, e cila drejtohet një myfti kurajoz si Muhamed Sytari, del kundër rrymës së përgjithshme dhe krah së vërtetës e së drejtës, e cila është me palestinezët, edhe nëse Hamas mundet të mos e përfaqësojë denjësisht këtë të drejtë me parime të pastra islame dhe në kushte lufte.
Deklarata e Myftinisë së Shkodrës lidhur me zhvillimet e nxehta në konfliktin historik izraelito-palestines, është i paekuivok pro Palestinës.
“Lutjet tona për vëllezërit tanë në Palestinën e pushtuar e martire, për dëshmorët e tokës së legjitime, për nënat që qajnë djemtë e rinj, për vejushat që rrisin jetimët e shtypur, për xhamitë e kishat që dhunohen, digjen e poshtërohen nga makina e terrorit, dhunës, injorancës, shkallmimit të ligjeve, drejtësisë e humanizmit!
Hipokrizia kurrë nuk zbardh fytyrë!
Zullumet, trashen e trashen dhe një ditë bien mbi kokat e atyre që prishin mbi tokë, kushdo qofshin e kudo qofshin!”, thuhet në deklaratën e institucionit përfaqësues të jetës islame në Shkodër. /tesheshi.com/
