Fotot e mëposhtme janë prurjet e para magjepsëse të konkursit që zhvillon National Geographic, për vlerësimin e fotografit më të mirë të udhëtimit për vitin 2018. Konkursi i përvitshëm u hap në fillim të këtij muaji dhe ka për qëllim vlerësimin e fotografëve, që fiksojnë përgjatë udhëtimit dhe eksplorimit, pamje të mrekullueshme nga bota me aparatet e tyre. Pjesëmarrësit në këtë konkurs mund të garojnë me një numër të pakufizuar fotosh në tri kategori: natyrë, njerëz dhe qytete.
Pasi konkursi të shpallet i mbyllur, një juri profesionistësh të përzgjedhur nga National Geographic Travel,do të zgjedhë nga një fitues për çdo kategori si dhe fituesin e të gjithë konkursit. Përveç tyre, do të ketë edhe një fitues të zgjedhur nga vetë publiku.
Fotografi fitues do të shpërblehet me 10 000 dollarë dhe fotoja e tij do të publikohet në faqen e Instagramit Nat Geo Travel.
Konkursi është i hapur deri me datë 31 maj.
Fotografi amerikan Naresh Balaguru ka fiksuar pamjen e këtij ylberi magjepsës në Kanionin e Madh të Arizonës.
Hiroki Inoue ka fiksuar në aparat këtë pamje të shndritshme të qershive të çelura në Nakameguro, Tokio.
Fotografi italian Enrico Pescantini e ka shkrepur këtë foto në zonën arkeologjike Teotihuacan të Meksikës.
Fotografi Khai Chuin Sim nga Malajzia e ka shkrepur këtë foto kur ishte për vizitë në Kenia.
Fotografi indian Nitish Thakur e ka kapur këtë pamje të barinjve që kullosin bagëtitë teksa ngjiste Himalajet.
Mattia Passarini, i cili jeton në Kinë, ka fiksuar në aparat këtë pamje të gjedhëve që u përkasin fisit Mundari në Sudanin jugor.
Dy motra të ulura në shkallët e shtëpisë së tyre duke pirë çaj në Raxhastan të Indisë. Kjo foto është shkrepur nga fotografi malajzian Firdeus Hadzri.
Në këtë foto jepet pamja e burimit Sol de Manana. Fotoja është shkrepur nga fotografi nga Hong Kongu, King Hi Antony Tang.
Llava që dyndet në det pas shpërthimit vullkanik në Bolivi. Kjo është një foto e shkrepur nga fotografi Tetsuya Nomura.
Hideyuki Katagiri nga Japonia ka kapur këtë pamje të hekurudhës Enoshima, në Japoni, e cila lidh stacionin e Kamakurës me atë të Fuxhisavës.
