Është spekuluar shumë mbi divorcin e Bajernit me legjendën Bastian Shvajshtaiger. Një eksperte personaliteti ka zbardhur një teori ku sqaron arsyet pse ikona e Bajernit braktisi klubin. Gjatë një analize të karakterit të kapitenit të Gjermanisë në emisionin “Njerëzit e javës” në “Radio21″, psikosociologia gjermane Mira Mylenhof jep dy arsye të vendimit të Shvajnit:
“Njëra është rikthimi te “mentori” i tij, Luis van Gal dhe tjetra më kryesorja, ai ndien ndryshime dramatike në klubin e origjinës së tij. “Struktura e personalitetit të Shvajnshtaigerit është e ndërtuar nga harmonia. Si një sizmograf, ai ndien nuanca apo dridhje të lehta dhe parashikon ardhjen e konflikteve. Aktualisht Bajerni i tij po transformohet nga një klub familjar, në një makinë e ftohtë parash. Kjo ishte e tepërt për shpirtin harmonik të Bastianit. Lideri ia arriti të kalonte me sukses karakteret e vështira. Ai është konsideruar si njeri me humor, kujdestar dhe bëri një përzgjedhje mbresëlënëse me teknikat qetësuese. Ai shmangu konfliktet si djalli ujin e bekuar. Ai po përdor petkun e kampionit të botës për të ecur më tej me personalitetin e tij. Konstrukti i Bajernit po dridhet. Klubi i origjinës së Bastian Shvajnshtaigerit, pas largimit të Uli Hënesit si president dhe udhëheqjes me gjakftohtësi të Pep Guardiolës, po merr një drejtim tjetër, të cilat bien ndesh me cilësitë dhe vlerat e Shvajnshtaigerit. Pse Bastia zgjodhi Junajtidin, Van Galin? Sigurisht që atmosfera dhe harmonia familjare për këtë fanellë ka qenë e hershme, ashtu siç kam dëgjuar edhe vëllain e tij, Tobias. Por, Shvajnshtaiger e ka mësuar shumë mirë se si funksionon Junajtid. E ka mësuar shumë mirë filozofinë dhe funksionimin e klubit të Mançesterit. Përveçse është një klub me histori dhe financa, jeta në Angli është një tjetër pikë referimi për karrierën e tij. Shvajni është një menaxher dhe skenograf i zoti. Ai ka organizuar mbrëmje gala dhe i pëlqejnë aventurat. Mentori i tij Van Gal është një tjetër arsye, pasi ka mbështetjen totale të tij konform paraqitjes. Emri i tij do lakmohet shumë se për “djajtë e kuq” është një fitore e madhe si nga imazhi dhe popullariteti i tij. Mos harrojmë që fanellën e Shvajnshtaigerit e mbajnë tifozë nga skaji në skaj, jo vetëm për arritjet me Bajernit, por edhe me Kombëtaren gjermane”, analizon psikologia gjermane. /tesheshi.com/
