![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Nga Blendi Gashi
Ramush Haradinaj, me rastin e 140-vjetorit të Lidhjes Shqiptare të Prizrenit, ngrehu zhag Valdet Derallën, mbesën e Mehmet pashës Derallës siç tha për të “mbrojtur shtetin”, pasi kjo e fundit doli në foltore e pa ftuar, por një javë më pas ai është zmbrapsur në Deçanin e tij, me rastin e zbulimit të shtatores së heroit kombëtar Beg Rizaj i vrarë në luftimet në Kumanovë.
Në një video të publikuar nga mediat kosovare, shihet se si Ali Rizajt nuk i pëlqen siç duket prania e kryeminsitrit Haradinaj në zbulimin e shtatores së vëllaut të tij, Begut i rënë në luftimet e Kumanovës së Maqedonisë.
Edhe pse reagimet e Alisë nuk dëgjohen në video, ai shihet mjaft i tensionuar dhe si personalisht e zbulon shtatoren e vëllait, duke ja pamundësuar një gjë të tillë Haradinajt.
Kryeministri duke parë se Alia nuk po hiqte dorë edhe përkundër se njerëz të afërm të tij tentojnë ta qetësojnë, largohet nga tubimi pa reaguar fare.
Kryetari i Deçanit: Haradinaj parandaloi një konflikt mes vëllezërve të Begut
Për acarimin që shihet në video, kryetari i Deçanit Bashkim Ramosaj, jep një version në favor të kreut të partisë, duke thënë se Ramushi ka ndaluar një konflikt mes vëllezërve të Begut pasi ata nuk merreshin vesh se kush duhet ta zbolojë shtatoren.
“Disa nga mediat që ishin prezent për të përcjellë këtë ngjarje të zbulimit të shtatores së Heroit Beg Rizaj me qellim jo të mirë kanë keq informuar opinionin publik për incidentin e ndodhur gjatë zbulimit të shtatores. Ka qenë ndërhyrja e kryeministrit të Republikë së Kosovës z. Ramush Haradinaj, ajo që ka shpëtuar vëllezërit Rizaj pa krijuar incident mes tyre. Ku njeri nga vëllezërit i drejtohej Haradinajt për dy vëllezërit e tyre duke i thënë që nuk kanë qenë në lufte dhe nuk kanë të drejtë me zbuluar shtatoren e vëllait të tyre, me ketë rast kryeministri ka ndërhyrë duke i thënë atij vetëm ti ke me zbulu shtatoren. Njëkohësisht duke ndërhy të dy vëllezërit tjerë që të pajtohen me këtë vendim. Kjo ka qenë ngjarja e quajtur incident nga disa media qe kanë qellim në vete”, shkruan ai në Facebook.
Megjithatë, kryetari Ramosaj nuk tregon pse dhe Haradinaj nuk e zbuloi shtatoren së bashku me vëllaun që e bëri një gjë të tillë.
Kujtojmë se zyrtarisht institucionet e Kosovës nuk i kanë përkrahur kosovarët që luftuan në Kumanovë derisa kanë kërkuar hetime të ngjarjes tragjike.
Në përleshjet dyditëshe më 9 dhe 10 maj të vitit 2015, janë vrarë 8 pjesëtarë të forcave policore dhe 10 pjesëtarë të grupit të armatosur.
Gjykata Themelore e Shkupit në nëntor të vitit 2017 kishte dënuar me gjithsej 746 vjet burg pjesëtarët e grupit të Kumanovës, të akuzuar për terrorizëm për ngjarjet e 9 dhe 10 majit të vitit 2015.
Për veprën terrorizëm ishin akuzuar gjithsej 37 persona, prej të cilëve 7 me burg të përjetshëm. Të dënuarit me burgim të përjetshëm ishin: Andi Krasniqi, Dem Shehu, Fadil Fejzullahu, Nasuf Zeqiri, Valdet Zekaj, Bek Bajra dhe Fejzulla Rushitovski.
Në linkun më poshtë mund të shihni përplasjen mes Ali Rizajt dhe kryeminsitrit Haradinaj:
