Nga Teatri i Ëndrrave në Manchester United, direkt e në Hollywood. Në të ardhmen e David Beckham me siguri që është kinemaja. Ka qenë vetë ish futbollisti ai që ka rrëfyer këtë sekret të së ardhmes, nëpërmjet një interviste për Times.
“E di që shumë sportistë që kanë provuar karrierën si aktorë kanë dështuar. Është një profesion i vështirë dhe kërkon aftësi e shumë disiplinë. Nuk dua ta marr me nxitim. Do ta kaloj çdo gjë hap pas hapi. Jam i përgatitur për kritikat që më presin”,- ka thënë Beckham.
Që në vitin 2007, kur ende ishte lojtar futbolli, është dukur qartë që takimi i Beckham me botën e Hollywood do të ishte i pashmangshëm. Gjatë viteve ai ka qenë figura kryesore e mjaft firmave të njohura, duke aktruar në shumë spote publiciare.
Pritet që vitin e ardhshëm David të luajë rolin e tij të parë si aktor. “Janë vetëm 13 batuta por jam stërvitur dhe kam punuar shumë”,- rrëfen ish ylli i futbollit, ndërsa bën me dije se do të interpretojë në filmin “Knight’s of the Roundtable: King Arthur” të Guy Richie, ish bashkëshortit të Madonnës.
Është vetëm një pjesë shumë e vogël por që Beckham e ka marrë shumë seriozisht dhe në fakt ka kërkuar edhe ndihmën e mikut të tij, Tom Cruise./tesheshi.com/
