Ivana Trump, gruaja e parë e ish-presidentit amerikan Donald Trump dhe nëna e tre fëmijëve të tij, vdiq nga një traumë e fortë, thuhet në raportin e një eksperti mjekësor të Neë York-ut.
Vdekja e znj. Trump u njoftua të enjten, por nuk kishte asnjë fjalë për shkakun e jetëhumbjes së gruas 73-vjeçare, e cila u gjet pa ndjenja brenda shtëpisë së saj, në fund të një shkallareje të brendshme.
Në deklaratën e mjekut nuk thuhej se çfarë i shkaktoi goditjet fatale në trupin e Trump, por përjashtoi se ato ishin të qëllimshme.
Mediat raportuan se Trump u gjet i vdekur në shkallët në shtëpinë e saj në Manhattan, ndaj ka mundësi që ajo të jetë rrëzuar rëndshëm, gjë që i ka shkaktuar vdekjen.
Rëniet janë shkaku kryesor i vdekjeve për ata mbi 65 vjeç në SHBA, vëren Guardian.
Pra, përjashtohet fakti se ajo pësoi një atak kardiak, gjë që e çoi të binte nga shkallët.
Sipas një rrëfimi të një mikeshe të ngushtë të saj, ajo ishte aktive ndonëse nuk kishte dalë nga shtëpia prej kohësh për shkak të pandemisë. Thuhet se e ndjera do shkonte të bënte flokët, pasi po bëhej gati për një udhëtim në Europë. /tesheshi.com/
