Ambasadori i Republikës së Kosovës në Maqedoni, Ylber Hysa, njoftoi opinionin se 17 prilli është data kur hyn në fuqi zbatimi i marrëveshjes për kalim të kufirit Maqedoni – Kosovë vetëm me letërnjoftime.
Hysa tha se nga 17 prilli nuk iu duhet pasaportë për të kaluar kufirin Maqedoni-Kosovë.
“Qytetarët e Kosovës mund të hyjnë në Maqedoni pa pasaporte vetëm me letërnjoftim”, tha ai në një emision të RTV 21.
Hysa sqaroi se të premten kanë zhvilluar takim me përfaqësues të Ministrisë së Punëve të Jashtme të Maqedonisë, ku i kanë informuar se nga ana kosovare gjithçka është e kryer.
“Ndërsa konfirmimi nga autoritetet e Maqedonisë ka ardhur gjatë ditës së sotshme”, shpjegoi ai.
