Qeveria e Beogradit do të njohë prej 1 marsit diplomat e studentëve shqiptarë të Luginës së Preshevës, të cilët janë diplomuar në universitetet e Kosovës.
Këtë e kanë bërë të ditur disa media serbe, duke iu referuar kabinetit të ministrit serb për Kosovën.
Ndërkaq, ministrja e Kosovës, që është e ngarkuar për dialogun me Beogradin, Edita Tahiri, deklaroi për gazetarin, Nefail Maliqi, në Presheva Jonë, se marrëveshja tashmë është rëndë dakord nga të dyja palët dhe pritet të zbatohet në fillim të marsit.
Prej vitesh ka pasur premtime nga qeveritë e Prishtinës dhe Tiranës për njohjen e diplomave të studentëve nga Presheva që kryejnë universitetet në Shqipëri e Kosovë, por deri tani në administratën e shtetit serb, mund të punësohen vetëm studentët që janë diplomuar në Serbi apo shtete të tjera por jo dy shtetet shqiptare.
/tesheshi.com/
