Prestigjozja New York Times shkruan se forcat speciale amerikane që nga fundi i vitit të kaluar janë instaluar në kufirin saudito-jemenas për të ndihmuar Arabinë Saudite që të zbulojë dhe shkatërrojë raketat e fshehura nga rebelët shiitë huthi.
Që nga shpërthimi i luftës në Jemen tre vjet më parë, rebelët huthinj shpesh kanë synuar qytetet saudite me raketa balistike.
Gazeta shkruan, duke cituar zyrtarët amerikanë dhe diplomatët evropianë, se forcat speciale nga SHBA-ja arritën në Arabinë Saudite në dhjetor.
Por Pentagoni nuk ka pranuar të bëjë ndonjë koment për këtë të dhënë.
Siç dihet, Arabia Saudite ka arritur deri më tani që t’i shkatërrojë të gjitha raketat e lëshuara nga huthinjtë drejt territorit të saj, ndërkohë që ditët e fundit ka arritur të godasë dhe bazat e tyre në Sana, deri në vrasjen e shumë krerëve.
Autoritetet saudite e akuzojnë Iranin se qëndron prapa agresionit huthi, ndërsa Teherani i hedh poshtë këto akuza. /tesheshi.com/
