Gigi Buffon nuk është portieri më i mirë në botë. Të paktën kështu mendojnë gazetarët sportivë të Bleacher Report, të cilët kanë organizuar një votim për portierin më të mirë në nivel botëror.
Pavarësisht se u përfol edhe si kandidat për Topin e Artë, 39-vjecari i Juventusit është vetëm preferenca e katërt e gazetarëve amerikanë.
Për ta, mbrojtësi më i mirë i portës është Manuel Neuer i Bajern Mynih. Pas tij rendisin sllovenin Jan Oblak të Atletikos së Madridit, ndërsa të tretin, spanjollin e Manchester United, David De Gea.
Normalisht fansat e Italisë do të rrudhin buzët për këtë renditje, e me siguri do të forcojnë bindjen se amerikanët nuk marrin vesh nga futbolli “normal” (soccer), por kuptojnë vetem futbollin e tyre, atë amerikan. /tesheshi.com/
