Kryeministri izraelit është pyetur për tre orë në banesën e tij në Jerusalem si pjesë e një hetimi për korrupsion.
Dyshimet për marrje dhuratash nga afaristë kanë sjellë vënien e Benjamin Netanyahu-t përballë njësisë antikorrupsion të policisë izraelite.
Sipas Jerusalem Post-it, Netanyahu akuzohet për pranim prej afaristëve vendas e të huaj të dhuratave të papërshtatshme, me vlerë në mijëra dollarë.
Shefi i qeverisë izraelite deklaroi edhe një herë para mbërritjes së hetuesve se ishte i pafajshëm. “Asgjë nuk do të ngjasë, sepse nuk ka asgjë,” u përpoq ai t’u priste hovin kundërshtarëve të tij.
Policia izraelite ka kryer hetime të fshehta gjatë tetë muajve; midis atyre që janë pyetur e që mendohet t’i kenë dhënë dhurata Netanyahu-t dhe të kenë paguar udhëtime për të është edhe miliarderi amerikan Ronald Lauder, një aleat i kryeministrit. /tesheshi.com/
