Kryeministri izraelit Benjamin Netanyahu tha se jo vetëm që Kosova do ta njohë Izraelin, por ajo gjithashtu do të hapë ambasadën e saj në Jeruzalem dhe kështu të bëhet vendi i parë me shumicë myslimane që e bën këtë.
Më herët, Serbia njoftoi se do të zhvendosë ambasadën e saj në Jeruzalem, kujtojnë mediat izraelite, duke vënë në dukje se këto lëvizje janë pjesë e diskutimeve mbi normalizimin e marrëdhënieve ekonomike midis Serbisë dhe Kosovës nën kujdesin e Shteteve të Bashkuara.
Netanyahu vlerësoi masat dhe tha se Izraeli do të vendoste marrëdhënie diplomatike me Kosovën.
Një deklaratë nga kabineti i Netanyahut tha se gjatë bisedimeve midis kryeministrit të Kosovës Abdullah Hoti dhe Presidentit Trump, ky i fundit i bëri thirrje Netanyahut dhe përgëzoi dy udhëheqësit për krijimin e marrëdhënieve të plota diplomatike.
Në deklaratë thuhet se Hoti njoftoi se do të hapte një ambasadë në Jeruzalem.
“Kosova do të jetë vendi i parë me shumicë myslimane që hap një ambasadë në Jeruzalem. Siç thashë, rrethi i paqes po zgjerohet dhe më shumë vende pritet të bashkohen “, tha udhëheqësi izraelit. /tesheshi.com/
