Nesër, ditën e hënë, më 23 mars, do të mbahet mbledhja mes qeverisë së Shqipërisë dhe qeverisë së Kosovës, në Tiranë.
Burime zyrtare pranë Kryeministrisë së Shqipërisë bënë me dije sot axhendën e takimeve të kësaj dite.
Dy qeveritë do të nisnin mbledhjen në orën 11:00 dhe në orë 12: 20 do të zhvillohet një konferencë për shtyp e dy Kryeministrave të qeverive të Republikës së Shqipërisë dhe Republikës së Kosovës
Gjeni më poshtë axhendën e plotë të këtij takimi
Ora 10:40 Mbërritja e delegacionit të Qeverisë së Republikës së Kosovës në Pallatin e Kongreseve.
Ceremonia zyrtare e Mirëseardhjes.
Ora 11:00 Fillimi i mbledhjes së dy qeverive të Republikës së Shqipërisë dhe Republikës së Kosovës
Ora 12:00 Ceremonia solemne e nënshkrimit të marrëveshjeve në mes dy qeverive.
Ora 12:20 Konferencë për shtyp e dy Kryeministrave të qeverive të Republikës së Shqipërisë dhe Republikës së Kosovës.
Kjo është mbledhja e dytë e qeverive të dy vendeve ,pas të parës, të zhvilluar në 11 janar të vitit 2014, në qytetin e Prizrenit në Kosovë./tesheshi.com/
