Presidenti serb Aleksandër Vuçiç ka formuar Komisionin që do të nisë nesër dialogun e brendshëm për të mbyllur nyjen e Kosovës.
Siç bën të ditur B92, deklarata që do të hartohet në fund të procesit, do të quhet: “Delaratë mbi ekzistencën e popullit serb”.
Komisioni do të drejtohet nga prof. dr Liljana Markoviç, Dekania e Fakultetit të Gjuhës serbe në Universitetin e Beogradit, dhe anëtarë do të jenë: Sima Avramoviç, dekan e Fakultetit Juridik në Beograd; profesor i Fakultetit Juridik Mirko Vasiljeviç dhe kryetari i Matice Srpske, Dragan Staniç.
Ndërkohë, po nesër nis punën edhe grupi i posaçëm për dialogun me Prishtinën i kryesur nga Marko Gjuriç.
Grupi ka 13 anëtarë, mes të cilëve edhe përfaqësuesi i kabinetit të kryeministres Ana Brnabiç, si dhe 9 ministra. Gjuriç u zgjodh në krye të këtij komisioni, më 16 tetor.
Presidenti serb Aleksandar Vuçiç e njoftoi në muajin korrik nisjen e dialogut të brendshëm për Kosovën dhe pret që propozimi të jepet marsin e vitit 2018. /tesheshi.com/
