Në PD ka një frymë fantastike që prodhon teori konspirative; fantastike nga mënyra e të fantazuarit. Është tipikisht e Berishës.
Me kredon gjithnjë e gjithçka në funksion të synimit politik, pa skrupuj, pa moral, pa intelekt, po ndërlidhet dhe fakti që autori i goditjes së Berishës, Gerti Shehu, shkonte në xhami, për të ndërtuar skenare haluçinante me këtë detaj, gjithnjë me shënjestër Ramën, qeverinë.
Sa për parantezë, në xhami mund të hyjë shumëkush, edhe të çmendur; aty nuk priten bileta për të hyrë, nuk ka as kontrolle trupore apo mendore.
Por nëse ndjekim (a)logjikën konspirative të Berishës & CO, se goditja u porosit në xhami, siç tha i diskutueshmi Flamur Noka, duhet kujtuar se është fjala për Xhaminë e Tabakëve, ku është imam Elvis Naçi. Ky i fundit flitet prej vitesh për raporte të ngushta me fëmijët e Berishës, me sfond fetar, por me interesa të caktuara. Thjesht flitet, pa asgjë konkretisht. Por dhe sikur të kishte raporte me ta nuk do që asgjë e keqe. Fëmijët e Berishës nuk janë djaj. Ndër përfoljet ka qenë ajo se Elvis Naçi është investim i tyre, për të qenë ai kandidat për Bashkinë e Tiranës(!!!). Por Elvis Naçi kurrë s’ka patur ndonjë qëndrim politik e as ka dhënë shenja se ka preferencë të caktuara politike, ndërkohë që i është bërë krah qeverisë në ditët e vështirë të pastërmetit, me fondaconin “Firdeus”.
Pra, nëse nisemi nga nivel përfoljesh për të sajuar teori konspirative, del që Tabakët janë fole PD-je. Ndaj, qasje të tilla konspirative, si ajo e Flamur Nokës me “porosi nga xhamia” apo e Berishës “me porosi nga vëllai musliman”, është një degradim në kufijtë e mjerimit politik të një force. /tesheshi.com/
