Arsenali dhe muaji nëntor nuk po shkojnë edhe aq mirë, pasi tradicionalisht muaji i parafundit i vitit ka qenë ters për topçinjtë. Ky i fundit i shkaktoi më shumë lëndime se sa pikë, skuadrës së drejtuar nga Arsene Wenger që ka ngecur prapa në luftën për titullin kampion.
Francis Coquelin, Mikel Arteta, Laurent Koscielny (dy herë), Alexis Sanchez dhe Santi Cazorla janë futbollistët që kanë pësuar lëndime gjatë muajit të shkuar. Mungesa këto që kanë qenë evidente në ecurinë e skuadrës londineze që ka marrë vetëm dy pikë gjatë kësaj periudhe.
Fat në fatkeqësi mund të konsiderohet afati kalimtar, i cili është shumë afër dhe Wenger mund të fillojë konstruktimin e sërishëm të skuadrës në mënyrë që të mbajnë gjallë shpresat për titullin kampion. /tesheshi.com/
