Këtë fundjavë e në dy ditët në vijim të javës që vjen do të zhvillohen ndeshjen e fundit sa u përket kualifikimeve për kampionatin europian që do të mbahet vitin e ardhshëm në Francë. Për herë të parë do të kemi 24 skuadra që do luftojnë për të marrë “kurorën” e më të mirit në Europë. Dhe për momentin kemi nëntë skuadra që kanë siguruar “biletën”.
Të kualifikuara janë skuadrat e renditura në vendet e para dhe të dyta në grupe, së bashku me Francën, që si organizatore e ka të sigurtë pjesëmarrjen. Por një mundësi e fundit u jepet dhe skuadrave që përfundojnë të tretat në grupe, që do zhvillojnë fazën e play-off-it për t’u kualifikuar.
Ndërkohë, kombëtaret e kualifikuara deri më tash janë:
Franca si vend organizator. Islanda dhe Republika Çeke, të renditura në vendin e parë dhe të dytë në grupin A. Spanja, si e para e grupit C. Anglia dhe Zvicra, që e kanë bërë të tyren vendin e parë dhe të dytë në grupin E. Madje anglezët kanë mundësinë të bëhen seleksioni i parë që i fiton të gjitha ndeshjet në këto eliminatore. Irlanda e Veriut, e renditur e para në grupin F. Austria, e para e padiskutueshme e grupit G.
Kombëtaret në prag të kualifikimit:
Uellsi dhe Belgjika duhet të fitojnë njërën nga dy ndeshjet e fundit për të qenë kryesues dhe nënkryesues të grupit B. Dy përfaqësueset do të ndeshen me Andorrën, ku tre pikët mendohen të jenë të sigurta. Sllovakisë i duhet vetëm një fitore për të shkuar më tej. Ajo do të ballafaqohet me Luksemburgun, diçka e parë si fatlume për të. Gjermanisë, kampiones së botës, i mjafton një barazim në sfidën e fundit ndaj Gjeorgjisë. Italisë i nevojitet vetëm një fitore për të marrë rrugën drejt Francës.
Kombëtaret me mundësi të mira për t’u kualifikuar:
Rumania do të kualifikohet nëse fiton në sfidën e fundit ndaj Ishujve Faroe, si e dyta në grup. Rusia me një fitore ose barazim ndaj Malit të Zi ruan pozitën e dytë në tabelë. Shqipëria me një fitore eventuale ndaj Armenisë kualifikohet si e dyta në grup.
Kombëtaret pa mundësi:
Qipro në grupin B, Lituania në grupin E, dhe Bullgaria në grupin H.
/tesheshi.com/
