Është nënshkruar kontrata për dërgimin e sistemit anti-raketë S-400 në Turqi, megjithëse ende nuk ka hyrë në fuqi, tha të martën kreu i kompanisë shtetërore ruse Rosoboronexport.
“Kontrata është nënshkruar, por ende nuk ka hyrë në fuqi. Ende duke punuar në të, mbeten disa probleme teknike”, tha para gazetarëve Drejtori i Përgjithshëm Aleksei Mikhev.
Rusia dhe Turqia po diskutojnë kontratën që nga nëntori i vitit 2016, dhe zyrtarë të lartë nga të dy vendet konfirmuan se janë “afër arritjes së marrëveshjes”, dhe se ka ardhur deri te “pika e fundit e vendimmarrjes”.
Sistemet ruse S-400 janë të afta të shkatërrojnë avionët deri në 400 kilometra në gjatësi, si dhe raketat balistike brenda një distance prej 60 kilometrash.
Ajo mund të ketë deri në 36 objektiva në të njëjtën kohë, dhe të përdorë lloje të ndryshme të raketave për objektiva të ndryshëm.
Ushtria ruse ka marrë tashmë raketat më të sofistikuara për S-400, njoftojnë burimet ushtarake.
Në qershor, presidenti Vladimir Putin tha se Moska ishte gati të furnizonte Ankaranë me sistemet S-400. “Ne biseduam në lidhje me mundësitë për t’i shitur S-400 Turqisë. Ne jemi të gatshëm për këtë, ne jemi të gatshëm për të ofruar këto sisteme më të fundit dhe më efektive. Presidenti Erdogan dhe ushtria e vendeve tona janë të vetëdijshëm për këtë”, tha Putin. /tesheshi.com/
